2012оны 09-р сарын 20-23-ний өдрүүдэд Японы Аялал жуулчлалын агентуудын нийгэмлэгээс санаачилан зохион байгуулсан “JATA аялал жуулчлалын форум ба аялал жуулчлалын үзэсгэлэн 2012” Токио BIG SIGHT олон улсын үзэсгэлэнгийн төвд амжилттай зохион байгуулагдлаа. Энэ удаагийн наадамд нийт 156 орны 708 аж ахуй нэгж байгууллагууд болон 125,989 зочид хүрэлцэн ирж сонирхсон нь JATA showcase-ийн түүхэнд хамгийн өргөн хүрээтэй зохион байгуулагдсан үйл явдал боллоо.

JATA аялал жуулчлалын форум нь 1977 оноос эхлэн аялал жуулчлал болон түүний хөгжил, эрэлт хэрэгцээнд тулгуурлан азийн хамгийн том үйл ажиллагаа болон зохион байгуулагдаж эхэлсэн бөгөөд энэ удаагийн үйл ажиллагааны хүрээнд “Олон улсын аялал жуулчлалын форум”-д аялал жуулчлал түүний хөгжлийн талаар, “Олон улсын бизнес уулзалт”-д бизнесийн шинэ боломжуудын талаар тус тус хэлэлцүүлэг явагдсан байна. Мөн “Аялал жуулчлалын үзэсгэлэн”-д улс орны төлөөлөгчид өөрсдийн улс болон үйл ажиллагааг сурталчилсан бөгөөд Монголиан Аэрлайнес Групп анх удаа амжилттай оролцон Монгол эх орон болон компаний үйл ажиллагааг сурталчилан, өндөр ач холбогдол өгөн оролцсон юм.