2014-01-13      Монголын залуучуудын холбооны албан ёсны агаарын тээвэрлэгч боллоо

Монголын Залуучуудын Холбоо, “Хүннү Эйр” агаарын тээвэрлэгч компанитай хамтран орон нутгийн  чиглэлд залуусыг  хөнгөлөлттэй үнээр зорчих боломжийг олголоо. МЗХ төрийн болон төрийн бус, хувийн гээд бүхий л байгууллагатай харилцаа хамтын ажиллагаагаа өргөтгөж залуучууддаа нээлттэй боломжийг олгох, хөгжүүлэх, урам зориг өгөх, ажилтай орлоготой болгох, эх орны ирээдүйн хөгжил цэцэглэлтэд залуучуудын оролцоог нэмэгдүүлэх гээд тэдэн рүү чиглэсэн олон ажлыг хийж байгаа юм. Энэхүү ажлуудын  хүрээнд он гарснаас хойш нилээд  хэдэн байгууллагатай хамтарч ажиллах болсон бөгөөд үүний  нэг нь “Хүннү Эйр” агаарын тээвэрлэгч компани юм.   Залуучууддаа хөнгөлөлттэй үнээр нисэх боломжийг олгож байгаа нь сар шинийн баяр дөхсөн энэ үед  залуучуудад хамгийн том бэлэг болж байна.    


TOP